Është zgjidhur problemi me shkollën e Nerovës.
Për këtë kanë njoftuar nga koalicioni VLEN nga ku thonë se çështja e shkollës shqipe në Nerovë u zgjidh. Nga shtatori, mësimi në gjuhën amtare do të vazhdojë, raporton gjurme.info.
“Ky është rezultat i një angazhimi serioz të VLEN-it dhe institucioneve përkatëse. Vëmendja ndaj nevojave të popullatës shqiptare nuk ka munguar.Përkushtimi i banorëve u takua me gatishmërinë e shtetit për zgjidhje. Koordinimi institucional solli rezultat”, thonë nga VLEN
Koalicioni shqiptar ka falemderuar Komunën e Krushevës për bashkëpunimin korrekt.
“Gjithashtu vlerësojmë lart ndihmën e Avokatit të Shtetit, si dhe të Ministrisë së Arsimit dhe të Transportit, të cilat luajtën një rol kyç. Kjo është një dëshmi se kur shteti vepron, zgjidhjet vijnë. Arsimi shqip mbrohet me përgjegjësi dhe vullnet politik. Qeveria e tregoi qartë: qytetarët janë prioritet dhe do të mbeten të tillë. Urime banorëve të Nerovës!”, përfundojnë nga VLEN.