Deputeti i koalicionit VLEN, Bekim Sali përmes një shkrimi në “Facebook” ka njoftuar se në seancën e sotme, Kuvendi ka miratuar nevojën e “One Stop Shop” edhe me Preshevën, respektivisht në pikën kufitare “Tabanoc”, njofton gjurme.info.
Sipas Salit, ky është edhe një tjetër hap konkret për lëvizjen e lirë të qytetarëve!
“Me këtë projekt, shkurtojmë pritjet, rrisim efikasitetin, lehtësojmë qarkullimin dhe tregtinë, dhe e forcojmë lidhjen me shqiptarët në Luginën e Preshevës. Ndryshimi IA VLEN!”, ka shkruar Sali.
Ndryshe, me ardhjen e VLEN në Qeveri, sistemi “One Stop Shop” është implementuar suksesshëm në kufirin në Bllacë, respektivisht mes Maqedonisë dhe Kosovës./gjurme.ifno/