Kryetari i Lëvizjes. Besa, Bilall Kasami përmes një reagimi me shkrim ka kundërshtuar fjalimin që kreu i BDI-së, Ali Ahmeti e bëri në Strugë dit më parë.
Sipas Kasamit, Ahmeti Ddhe BDI u pasuruan për mbi 20 vite në kurriz të dhqiptarëve.
Shton se fjalimet e kreut të BDI-së vijnë çdo herë kur drejtësia merr hapa për të zbardhur rastet kriminale.
Sipas Kasamit kjo është cirk.
Reagimi i plotë:
Partia e milionerëve ka dalë krejt prej binarëve. Ata që për 20 vjet u ulën mbi shpinën e shqiptarëve, që ndanë shtetin si plaçkë dhe u pasuruan si pashallarë, sot bërtasin sikur janë viktima. Kanë humbur kontaktin me realitetin. Jetojnë në botën e tyre, me makina të shtrenjta, me vila e miliona në xhep dhe tani po bëjnë moral për shqiptarët!
Po kush i ha më këto përralla, o Ali?
Thuaju struganëve! Sa mori dhëndri yt nga biznesi me mazut? Sa miliona hynë në xhepat tuaj nga ai pazar? Sa fitove ti, e sa iu ndave të tjerëve që të mbajtën në pushtet?
Mos e luaj rolin e të përvuajturit, se të gjithë e dinë se nuk po të djeg për shqiptarët, por për dhëndrin. Po bën zhurmë që ta shpëtosh dhëndrin nga burgu, kjo është e vërteta!
Sa herë që drejtësia afrohet, nis cirku! Fillojnë fjalimet, dalin deklaratat, madje kërkoni edhe veting. Po 22 vjet ishe në pushtet, o Ali!
Ti dhe partia jote u pasuruat duke i trajtuar shqiptarët si mjet për pasurinë tuaj. Ndaj sot, kur nuk iu ecën më, filloni me shpifje e viktimizime.
Shqiptarët janë zgjuar. Nuk tremben më nga “tërmetet” që i shpik për të mbuluar panikun tënd.
Koha jote ka kaluar. Koha e shqiptarëve ka nisur. Dhe ajo s’kthehet më pas.