Shkruar nga ish-gazetari Muhamed Ajeti
Ai vlerëson se në garën mes Bilall Kasamit dhe Bajram Rexhepit, raundi i parë tregon një epërsi të qartë për Kasamin, me rreth 4 000 vota më shumë. Sipas tij, kjo diferencë është e konsiderueshme dhe e vështirë për t’u përmbysur pa ndërhyrje të jashtme.
Ajeti shton se nëse Kasami ruan bazën e tij elektorale, ai mund të fitojë edhe pa mbështetjen e partive maqedonase, duke e bërë fitoren të perceptohet si “e pastër shqiptare”. Përkundrazi, çdo mbështetje e Bajram Rexhepit nga VMRO ose “Levica” mund të sjellë përfitime numerike, por do të dobësonte legjitimitetin politik të tij dhe do të perceptohej si fushatë e mbështetur nga votat maqedonase.
Ai thekson gjithashtu se nëse VMRO qëndron neutrale, Kasami ka shanse të ruajë epërsinë dhe të fitojë me legjitimitet të plotë, ndërsa një fitore e Rexhepit me mbështetjen e partive maqedonase do të konsiderohej e kontestuar.
Ajeti përfundon se pavarësisht kombinimeve të mundshme, Kasami del favorit i qartë dhe mbështetja ose mosmbështetja nga partnerët nuk do ta dobësonte atë, por përkundrazi mund të rrisë mobilizimin e elektoratit për ta votuar.